TÉCNICA DE RELAXACIÓN

Deixámosvos unha nova proposta para traballar nos momentos de ansiedade e volver a un estado máis relaxado. Esperamos que vos sexa de axuda!

TDAH e organización

Desenvolvemento da autonomía en nenos con TDAH

Nos nenos con TDAH podemos atopar dificultades para que a organización se leve a cabo ou simplemente exista. Por iso, contar con recordatorios visuais aos que poder acceder como apoio pode ser un elemento relevante para eles e, a través dos cales, poderán adestrarse para mellorar a súa capacidade organizativa. 

No plano académico é preciso que os nenos leven a cabo tarefas organizativas, tanto na xestión dos deberes, en organización do material, en secuenciación e planificación de traballos e exames, etc. Por iso, as autoinstruccións pódennos resultar útiles, tanto en tarefas escolares como organizativas do día a día. 

Neste caso quero centrarme na súa utilización no plano académico a través de dous exemplos, de forma que pais e profesores poidan basarse neles para extrapolalo ás súas propias situacións. 

CASO 1: Un neno que esquece apuntar as tarefas na axenda.

Para estes casos, unha estratexia que podemos empregar é anotar cada día as asignaturas que ten ese día e que o neno indique en cada unha tarefas ou traballos desa asignatura ou mediante unha raia, guión ou o que desexe que non ten nada desa asignatura. Con iso, o neno poderá comprobar dun xeito visual e rápida si queda algunha asignatura dese día que non anotou ou si pola contra está todo apuntado.

Luns.

Matemáticas: pág. 21 ej. 4-5-6

Linguaxe: /

Inglés: page 14 exercises 5-6

E.Física:/

C. Sociais: esquema do Sistema Solar.

CASO 2: Un neno que presenta dificultades á hora de enfrontarse á realización de tarefas fora do centro.

1. Miro o que teño que facer na axenda.
2. Ordénoas por orde de prioridade.
3. Comezo a realizalas tendo en conta un pequeno descanso entre asignaturas.
4. Repaso e comprobo que completei todas as tarefas.
5. Preparo a mochila para o día seguinte.

Estes son só algúns pequenos exemplos do que podemos facer apoiándonos nas autoinstruccións e que, como indicamos, poden extrapolarse a diferentes ámbitos da vida do neno, non só ao plano curricular.

TÉCNICAS DE AUTOCONTROL E RELAXACIÓN

Hoxe traémosvos unha serie de estratexias que podedes utilizar ante unha situación de ansiedade nos nenos e nenas. Esperamos que vos sexan de axuda.

- Bote da calma: Podedes preparar un bote da calma e colocalo nun lugar visible para utilizalo cando sexa necesario. Ó axitalo, podemos observar como os elementos se moven e volven pouco a pouco ó fondo do bote. É moi relaxante observar este proceso. Aquí tedes un enlace onde se explica paso a paso como se pode realizar:

https://www.youtube.com/watch?v=31eQ69ur9C4

- Técnica do globo: Consiste en imaxinar que somos un globo e inspirar profundamente enchendo os pulmóns de aire, para logo exhalar ese aire moi despaciño. É conveniente repetir o exercicio varias veces. Outra opción é tumbarnos nunha esterilla e colocar un obxecto na nosa barriga (por exemplo, un barquiño de papel), respiramos lentamente e observamos como o barco sube e baixa.

- Técnica da tartaruga: A través deste conto, os nenos e nenas poden lembrar os pasos que segue este animal e imitalos para controlar os seus impulsos.  Compartimos con vos un esquema:

- Técnicas de relaxación:

NOTAS SOBRE O TDAH (2ª parte)

TRATAMENTO

O tratamento que amosou maior efectividade é o multimodal, que consiste en combinar:

• Tratamento psicolóxico dirixido a pais/nais, profesores e nenos/as. Proporcionar información, estratexias manexo conduta, mellora de relación e aumento de autocontrol.
• Tratamento farmacolóxico para remitir os síntomas básicos, facilitando co tempo o correcto desenvolvemento intelectual, social e familiar.
• Tratamento psicopedagóxico para mellorar as habilidades académicas e o comportamento.

TRASTORNOS ASOCIADOS

A maioría dos nenos con TDAH presentarán un  ou varios trastornos engadidos ao longo do tempo (comorbilidade). Estes trastornos manifestaranse en maior medida se non se segue correctamente o tratamento. Os trastornos asociados ao TDAH son os seguintes:

1. Trastorno de aprendizaxe

2. Trastorno oposicionista o negativismo desafiante

3. Trastorno disocial

4. Trastorno obsesivo compulsivo

5. Ansiedade

6. Depresión

NECESIDADES

Os alumnos/as con TDAH precisan que os profesores se adapten ao funcionamento do seu cerebro e as súas capacidades e que lles axuden a desenvolver a súa intelixencia executiva tendendo pontes coas experiencias escolares. Os profesores como control executivo “externo”.

Teñen problemas de iniciación, de memoria de traballo, de inhibición (perden o fío, interrompen), de cambio (non aceptan correccións, enfados), de planificación e organización, de conciencia dos erros (pensan que sempre o fan ben) e temporais (viven no presente e non aprenden do pasado)

ESTRATEXIAS

O obxectivo é axudalos a ser autónomos e responsables, reflexivos e asertivos, que sexan proactivos e que se coñezan a si mesmos (puntos fortes e febles). Partimos de tarefas sinxelas, adaptadas as súas capacidades e valoramos as súas opinións, o seu traballo e conduta. Podemos usar medidas como:

- Reforzo positivo

- Externalizar o tempo

- Acordar normas claras e concretas

- Reforzo da motivación

- Anticipación de consecuencias (avisar do que vai pasar, deixalo elexir)

- Adaptar contidos

- Fragmentar tarefas

- Planificación  e organización do traballo (axenda escolar)

- Secuenciar exercicios e exames (uso de pautas ou guións)

- Proporcionarlle feedback das realizacións, destacando o ben feito

NOTAS SOBRE O TDAH (1ª parte)

Nesta entrada queremos darvos, alumnos/as, pais/nais, mestres/as e profesores/as; unha primeira aproximación sobre algo do que todo mundo fala pero que as veces non se entende ben.

DEFINICIÓN

O TDAH, trastorno por déficit de atención con ou sen hiperactividade, é un trastorno de orixe neurobiolóxico crónico que se manifesta na infancia e evoluciona coa idade, estando mediatizado polo medio. Caracterízase pola presenza de tres síntomas típicos:

• Déficit de atención.

• Impulsividade

• Hiperactividade motora e/ou vocal.

Cada neno manifesta todos ou algún destes síntomas cunha intensidade propia, polo que non hai dous alumnos/as con TDAH iguais. Os síntomas e os comportamentos derivados interfiren, trastornan, a vida familiar, a escola e o seu contorno.

TIPOS

Diferenciamos tres tipos de trastorno dentro do TDAH:

1. TDAH predominante inatento: denominado TDA (non escoita cando se lle fala, cústalle iniciar os traballos, olvida as cousas, distráese con calquer estímulo, pasivo, non anota os deberes, desorganizado e o seu ritmo de aprendizaxe é lento).

2. TDAH predominante hiperactivo-impulsivo: denominado TH (móvese dun lugar o outro en momentos inapropiados, move mans e pes en exceso, balancease e érguese a miúdo do asento.  Interrompe conversacións e actividades, fala en exceso, responde de xeito precipitado. Comportamento molesto, con agresividade cando se frustra.

3. TDAH combinado: Cando presenta síntomas atencionais e hiperactivos-impulsivos.

CAUSAS

Aínda que se descoñecen as causas específicas, os estudos xenéticos es as técnicas de diagnóstico por imaxes consideran a orixe do TDAH nunha disfunción do córtex prefontal, encargada da función executiva e a autorregulación das emocións. Neste síndrome interrelacionan factores xenéticos e neurobiolóxicos con factores ambientais.

Os estudos demostran que o TDAH ten unha base xenética con moitos xenes implicados, cunha herdanza dun 60%.  As alteracións cognitivas e conductuais son causadas polo desequilibrio de neurotransmisores (dopamina, noradrenalina y adrenalina) nesta área cerebral. Tamén se observan unha diminución do volume cerebral e da maduración cerebral.

O TDAH afecta a un 3-7% dos nenos/adolescentes. No Morrazo a porcentaxe alcanza un 5%.

CONSECUENCIAS

Os nenos/as con TDAH teñen dificultades co seu sistema executivo cerebral, concretamente coa súa “intelixencia executiva”, entendida como a intelixencia que organiza as outras intelixencias e ten como obxecto dirixir a acción mental ou física aproveitando os recursos cognitivos e emocionais propios e do medio.

A disfunción do control executivo afecta a memoria de traballo, ao inicio de tarefas monótonas, a flexibilidade para cambiar de estratexia, a priorizar a información relevante, a planificación, a monitorización das execucións e o control emocional.

DIAGNÓSTICO

O diagnóstico do TDAH é exclusivamente médico e debe estar sustentado na presenza dos síntomas característicos e a súa repercusión. Polo tanto consiste na recopilación de información sobre o comportamento do neno/a  a seus pais, mestres ou profesores sobre o seu comportamento e rendemento e comparalo co doutros nenos da súa mesma idade, e do mesmo neno/a.

O procedemento axeitado consiste nunha valoración psicolóxica (establecer capacidades e limitacións), unha valoración médica (descartar ou confirmar enfermidades que puideran explicar os síntomas) e unha valoración psicopedagóxica (analizar a presencia ou non de fracaso escolar).