Actividades
lúdicas para fomentar a EXPRESIÓN ORAL
• Interpretar, contar contos e cantar cancións.
Os contos
son o material ideal para favorecer a secuenciación e a comprensión da linguaxe
a través de imaxes visuais e historias que motivan aos máis pequenos. É moi
importante deixar que sexan eles mesmos quen elixa os contos para que aumente a
súa motivación cara á actividade e diferéncieno das tarefas curriculares. Coas
cancións favorecemos o ritmo, a prosodia e a memoria auditiva, entre
outros.
• Lectura de beizos.
Un dos
participantes articula unha palabra sen voz e o outro mirándolle debe adiviñar
a palabra. Con este xogo favorecemos o contacto ocular durante a comunicación e
a atención sostida.
• Xogar ao vexo-vexo e ás adiviñas.
Estes
clásicos xogos son unha boa ferramenta para aumentar o vocabulario, a
categorización semántica e as habilidades metalinguísticas.
• Xogo da oca, parchís, xogos de cartas, etc.
Estes
xogos á parte de ser moi lúdicos, fomentan a comprensión e o respecto de
quendas durante a interacción comunicativa.
• Xogo das palabras encadeadas.
Xogo
ideal para favorecer os prerrequisitos da linguaxe escrita tales como a
conciencia fonológica e semántica ademais de aumentar a fluidez verbal.
• Xogos de roles (médicos, tendas, mamas e
papas, etc.).
A través
destes xogos estimulamos a linguaxe nas súas tres dimensións: forma, contido e
uso.
• Xogos de imitación.
Facer
acenos e xestos diante dun espello e imitando emocións e personaxes pode ser
unha actividade moi divertida e adecuada para traballar a musculatura que
intervén no fala.
•Xogo de categorías.
Nomear
por quendas palabras de diferentes categorías semánticas (animais, transportes,
cores, froitas, etc.) favorece a estruturación do vocabulario para un mellor e
rápido acceso ao léxico.
•Á procura do tesouro.
Con este
divertido xogo uno dos participantes esconde un obxecto e a través de pistas e
indicacións terá que guiar ao outro para que este último atope o tesouro. Así,
favorecemos a planificación e a organización do discurso oral.
Ningún comentario:
Publicar un comentario