ESTIMULAR A LINGUAXE ORAL nas nenas e nenos.
• Convén falarlle moito, preguntándolle polos seus
gustos, amigos, actividades favoritas, como vai vestido....
• Aproveitar calquera ocasión (a observación das
pezas de roupa no armario, os mobles dunha habitación, as cores) para nomealos.
Sempre colocándonos a altura dos seus ollos.
• Para aumentar o seu vocabulario, presentaránselle
obxectos indicándolle o seu nome. Á súa vez explicaráselle para que sirve, que
cor ten, a forma, as súas características. En definitiva, facerlle observar
todo o que ten ao redor.
• En canto ao esquema corporal, ensinaránselle as
distintas partes do corpo para que o xeneralice nos demais: discriminando a
parte esquerda e a dereita.
• Con apoio visual de libros ou fotografías,
estimular unha conversa a través do debuxo que apareza, repasando os conceptos
básicos: dereita-esquerda, arriba-abaixo, cores, utilidade de cada obxecto ...
• É moi motivante para o neno, contarlle contos
curtos, nos que interveñan animais, e eles poidan participar facendo ruídos,
bailes, xestos, etc., logo faránselle unha serie de preguntas sinxelas sobre o
contido.
• Fágalle aprender o seu nome completo, o da súa
familia e o enderezo. Xogar ao vexo-vexo, esconder cousas e logo darlle pistas
para que as atope.
• Manifestarlle entusiasmo e alegría cada vez que
mostre interese na actividade que está realizando, aínda que non sempre lle saia
ben.
• Non debe protexelo demasiado, posto que non
deixamos que desenvolva a súa persoalidade ao completo. Polo tanto, hai que
darlle autonomía para que se relacione cos demais e participe en distintas
actividades.
• Debemos escoitalo atentamente e sempre respostar
ás súas preguntas, convertendo a comunicación nun pracer.
• Os nenos aprenden moito por imitación. Por iso,
cando fale co seu fillo, fágao a modiño, pronunciando correctamente, sen darlle
berros. Nunca debe ignoralo cando queira falar, nin reforzar a expresión
defectuosa que nun principio pode acontecer. Fálelle pronunciando claro e ben,
mirándolle á cara.
• Realice co seu fillo xogos de sopro: inchar
globos, sorber con palliña, pitos, trompetas, soprar velas, imitar ruídos ou
sons producidos por animais...
• Premialo cando fale ben, correxilo cando cometa
erros, pero no criticalo, ridiculizalo ou comparalo con outros nenos ou irmáns.
• NON lle
diga a seu fillo, mentres fala, que se deteña e comence de novo.
• NON o imite cando fale mal, aínda que lle parezca
gracioso.
• "NON debemos responder en lugar do neno.
Será mellor que cando lle preguntemos o fagamos de tal xeito que este non poida
responder só un ""si"" ou un ""non"", farase
por exemplo a pregunta: queres unha pera ou unha manzá? En lugar de: queres unha
pera?”.
• NON
recortar os finais de palabras.
• NON hai que falarlle cunha linguaxe
infantilizada. O neno emprega esta linguaxe infantil porque atópase neste
estadio do proceso de adquisición da linguaxe e se o imitamos estaremos freando
o seu proceso evolutivo.
• NON debemos berrarlle nin imitalo, senón soamente
repetirllo correctamente.
• Escoite o que o neno diga e respóndalle
axeitadamente.
• Todos os días, elixiremos un momento apropiado
para a práctica e estímulo da fala.
• As mostras
de agarimo, de amor, de afecto axudan a un mellor desenvolvemento da linguaxe do seu fillo.
Ningún comentario:
Publicar un comentario