CONSELLOS PARA O VERÁN

Este curso está chegando á súa fin, por iso quixemos deixarvos uns consellos para o verán, son moi faciliños de levar a cabo e estamos seguras de que os ides intentar cumprir. 

Unha forte aperta!!

Cancións adaptadas con pictogramas

Aquí van unha selección de cancións adaptadas con pictogramas para facilitar a comprensión das mesmas e facelas máis perceptibles. 

LOS MESES DEL AÑO

DÍAS DE LA SEMANA

                                                                                                                             EL REY LEÓN 

         MILIKI: MI FAMILIA

CANTAJUEGO: A MI BURRO

CANTAJUEGO: ESTOY DURMIENDO

CANTAJUEGO: EN UN VAGÓN 

Desfrutádeas!! 

Actividades para traballar a dislexia (2ª parte)

Hoxe traemos algunha actividade máis para poder mellorar as dificultades dun neno ou nena con dislexia.

XOGAR CON PLASTILINA: Comezaremos facendo churriños, despois moldearemos arcos e por último colocarémolos segundo a posición das letras nun folio. O obxectivo é diferenciar a posición enriba/debaixo, principal causa pola que se confunden as letras b/p ou u/n.

XOGAR CON PLASTILINA E PAUS PEQUENIÑOS: Seguimos imitando modelos de letras. Esta vez empregamos os paus de cores como elemento motivador. O proceso é similar, pero o obxectivo é distinto: diferenciar posición dereita-esquerda. Dependendo da posición na que coloquemos o arco, constituirá unha letra ou otra. Tamén podemos aplicalo ás letras anteriores.

XOGAR COAS PALABRAS: Non precisamos nada máis que un ambiente tranquilo. Imos a pronunciar unha serie de palabras significativas para o neno ou nena, por exemplo, se estamos no parque: “árbore, tobogán e area” e deberanse repetir na mesma orde.

Con esta actividade estamos aumentando a súa percepción temporal e auditiva, afectada tamén pola dislexia.

 

Para mellorar as dificultades psicomotrices que presentan habitualmente podemos:

MELLORAR O COÑECEMENTO DO ESQUEMA CORPORAL: Debuxando todas as partes do corpo de, por exemplo, o seu boneco favorito, variando a posición dalgunha das súas partes: levantando unha man, unha perna, xirando a cabeza, etc. Sería divertido que a rapaza ou rapaz repetise tamén esa posición.

REFORZAR A SÚA LATERALIDADE: (Esta actividade está moi relacionada coa anterior). Neste caso necesitará a participación de pais, irmáns, etc. que den ordes tipo: man dereita arriba, salta sobre o teu pé esquerdo... e se o facemos bailando e con música será aínda máis divertido.

Coas seguintes actividades imos traballar a conciencia fonolóxica, é decir, habilidade para manipular os sons da linguaxe mentalmente.

O SON DAS PALABRAS: Consiste en pronunciar unha palabra calqueira e preguntar se contén un son. Por exemplo; "a palabra brazo, contén a letra z?".

SÍLABAS: Seguimos xogando coas palabras: agora dividiremos unha palabra en sílabas axudándonos de palmadas: "caderno: ca-der-no".

DERIVAR PALABRAS: Decimos unha palabra primitiva, preferiblemente algo que esteamos a ver, por exemplo, pan; e que diga palabras derivadas: panadaría, paneira, panadeiro, etc.

XOGAR A RIMAR: En palabras soltas “busca unha palabra que rime con casa” tamén se pode facer un verso ou rap, dependendo da idade coa que esteamos a traballar.

 

Como actividade final propoñemos a seguinte, coa que poderemos copartir soños cos nosos pequenos e pequenas.

LECTURA COMPARTIDA: Lectura en voz alta dun conto ou outro tipo de texto antes de dormir, na cama; seremos así o seu modelo lector, o seu apoio e alternaremos a lectura: unha oración ou parágrafo o adulto e outra o menor. 

Problemas de lóxica

Nesta entrada deixámosvos uns problemas de lóxica matemática, habilidade e capacidade relacionada coa forma abstracta de ver os números e cantidades e poder realizar operacións con elas. Logrando as competencias do razoamento lóxico matemático conseguiremos:

• Coñecer técnicas para resolver problemas que sexan útiles na vida diaria.
• Desenvolvemento da creatividade e curiosidade, iniciativa e investigación empregando o tanteo e a reflexión.
• Relacionar os coñecementos que adquiriu en matemáticas con operacións e problemas de lóxica e razoamento.
• Adquisición da competencia empregando o desenvolvemento cognitivo do razoamento lóxico matemático.
• Uso do xogo para a motivación.
• Dominar e practicar métodos para a resolución de problemas
• Aplicar modelos gráficos para a comprensión do problema matemático e a súa resolución.
• Estimular e desenvolver o pensamento lóxico matemático.

Actividades:

Series

Hoxe deixámosvos unhas actividades para traballar o razoamento lóxico e a atención, a través de seriación de obxectos, figuras ou números, nas que falta algún elemento que se deberá encher, adiviñando a orde que correspondería e que se averigua buscando a relación existente entre os elementos dados.

                                                                        Adiviña que número é cada animal.